ფასი - 7 ლ.

ღვთისმეტყველებითი აზროვნება და სამეცნიერო ინტერესი საჭიროა გასცდეს საკუთრივ ეკლესიის კლირიკოსთა შთაგონების საზღვრებს და საუნივერსიტეტო კვლევებსა და მსჯელობის საგნადაც უნდა იქცეს. ისიც უნდა აღინიშნოს, რომ სამეცნიერო საეკლესიო საკითხთა მკვლევარს ღრმა სულიერი წვდომა და საღვთისმეტყველო აკრიბიათა ფლობა მართებს.
სახელმძღვანელოს შექმნა ნებისმიერ დისციპლინაში ურთულესია. ეს საქმე მოითხოვს უდიდეს გამოცდილებას, არსებული სისტემებისა და მეთოდოლოგიის ნიუანსებში წვდომას, საკითხთა საგნობრივად განხილვასა და დალაგების ტექნიკის ფლობას.
ასეთი სახელმძღვანელო ჩვენს დედა ეკლესიას, მორწმუნე საზოგადოებას სჭირდება. ცნობილია, რომ საეკლესიო სამართალი მოქმედებს იქ სადაც ზნეობის საზღვრები ირღვევა.
ეს ნაშრომი, ორიგინალურია, რადგან არ ჰგავს ჩვენს ბიბლიოთეკებში უცხოურ ენაზე არსებულ ან თარგმნილ წინამორბედებს. თუნდაც იმით, რომ უფრო იურიდიულს. ჩვენი აზრით ის ზღვარზე გადის ორივე მეცნიერებისა.
საკითხთა ავტორისეული სისტემატიზირება და ინოვაციები გადმოცემის მეთოდოლოგიაში, შეიძლება სადავოდ მოგვეჩვენოს, მაგრამ მიზანს ნამდვილად აღწევს, ვინაიდან სახელმძღვანელო უფრო პრაქტიკული დანიშნულების ნაშრომს წარმოადგენს, ვიდრე თეორიულს. ნაშრომი უკვე ივ. ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტზე აპრობირებული „საეკლესიო სამართლის სილაბუსის“ მიხედვითაა შექმნილი და მოიცავს საეკლესიო სამართლის ძირითად დებულებებს და ინსტიტუტებს, თუმცა კანონიკურ სამართალში ჩვეულებითი ყოველთვის არ ნიშნავს ტრადიციულს, და ტრადიციული-ზოგად-საეკლესიოს, კანონიკურს. ნაშრომი უფრო მცდელობაა, მიზან-დასახულობაა, ერთი ეტაპია, მომავალში კიდევ უფრო სერიოზული სამეცნიერო ტექნიკური აპარატით კარგად უზრუნველყოფილი წიგნის გამოსაცემად.
ნაშრომი განკუთვნილია უ,ეტესად იურიდიული ფაკულტეტის სტუდენტებისათვის და გამოადგებათ საეკლესიო სამართლის დაინტერესებულ მაძიებელს.